Onun sözlərinə görə, xəstələr üçün artıq psixoloq ayrılıb: "Xəstəxanada müalicə alan 9 nəfərdən ikisi bu gün evə buraxılacaq. Digərlərinin isə yəqin ki, 2 -3 günə evlərinə getmələrinə icazə veriləcək. Xəstələr arasında zədələrə görə əmək qabiliyyətini itirən yoxdur. Sadəcə psixoloji zədələnmə ola bilər, bu da normaldır. Lakin müayinə nəticəsində heç kəsdə psixoloji problem aşkar olunmayıb".
N.Mehdiyev əlavə edib ki, xəstəxanada yatan 4 neftçi cərrahiyyə şöbəsində, 2-si lor, 3-ü isə terapiya şöbəsində müalicəsini davam etdirir.
