Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

“Bakı Şəhər Halqası” paytaxt yollarında təmir işləri ilə bağlı açıqlama yayıb

“Bakı Şəhər Halqası” paytaxt yollarında təmir işləri ilə bağlı açıqlama yayıb

Date: 7 December 2015 12:18


Bakı, 7 dekabr, AZƏRTAC
“Formula-1” Avropa Qran-pri yarışlarının Azərbaycandakı təşkilatçısı “Bakı Şəhər Halqası” (Baku City Circuit) şirkəti gələn ilin iyununda keçiriləcək bu mötəbər idman hadisəsinə hazırlıq işlərini davam etdirir. Paytaxtın yarış trekinin keçiriləcəyi mərkəzi küçələrində təmir-tikinti işləri görülür.
“Bakı Şəhər Halqası”ndan AZƏRTAC-a bildiriblər ki, dekabrın 7-dən etibarən Puşkin küçəsinin Üzeyir Hacibəyli və Xaqani küçələrinin kəsişmələri arasında yol asfalt örtüyünün təmiri üçün bağlanıb. Bundan əlavə, Bülbül prospekti qismən təmirdədir, lakin avtomobillərin hərəkəti tam məhdudlaşdırılmayıb. Qeyd olunan təmir işlərinin başa çatma tarixi hələ ki məlum deyil. Xaqani küçəsinin Rəşid Behbudov və Azadlıq prospektləri ilə kəsişmələrində dekabrın 2-dən başlayan təmir işləri artıq başa çatıb.
Yarışdan əvvəl salınacaq və “Formula-1” standartına cavab verəcək yollar daimidir və Qran-pridən sonra paytaxt sakinlərinin istifadəsində olacaq.

Tags:  Bakı Şəhər Halqası paytaxt yollarında təmir işləri bağlı açıqlama yayıb


RƏYLƏR


Top news