Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Həbs olunmaq istədi, "“Park Bulvar”da bomba var" dedi, 6 il həbs edildi

Həbs olunmaq istədi, "“Park Bulvar”da bomba var" dedi, 6 il həbs edildi

Date: 7 December 2015 12:39

 

 

Bu gün Bakı Ağır Cinayətlər Məhkəməsində polisə yalan verməkdə təqsirləndirilən Kəlbəcər rayon sakini, 1970-ci il təvəllüdlü İsmayıl Allahverdiyevin cinayət işi üzrə məhkəmə prosesi yekunlaşıb.

 

Lent.az-ın məlumatına görə, hakim Rauf Əliyevin sədrliyi ilə keçirilən prosesdə hökm oxunub.

İ. Allahverdiyev 6 il müddətinə azadlıqdan məhrum edilib.

 

Qeyd edək ki, Daxili İşlər Nazirliyinin "102" xidmətinə zəng vuraraq, Neftçilər prospekti 131 ünvanında yerləşən "Park Bulvar" ticarət mərkəzində partlayıcı qurğu yerləşdirilməsi barədə yalan məlumat verən şəxs müəyyən edilib. Həmin şəxsin Kəlbəcər rayonundan məcburi köçkün, Suraxanı rayonunda məskunlaşmış 1970-ci il təvəllüdlü Allahverdiyev İsmayıl Həbib oğlu olması bəlli olub. O, polis tərəfindən saxlanılıb.

 

İlkin dindirmə zamanı 45 yaşlı İ.Allahverdiyevin bir neçə nəfərə 200 min manatdan çox pul borclu olması üzə çıxıb. O, ifadəsində qeyd edib ki, özü qəsdən polisə yalan məlumat verib və həbs olunmaq yolu ilə borc yiyələrindən bir müddətlik yaxa qurtarmaq istəyib.


Tags:  Həbs olunmaq istədi Park Bulvarda bomba var dedi il həbs edildi


RƏYLƏR


Top news