Bu gün Dənizkənarı parkda “Dənizə bir qərənfil ataq" adlı anım tədbiri keçirilib.
Axşam.az-ın məlumatına görə, bir qrup insan “Günəşli” platformasında baş verən qəza nəticəsində itkin düşənləri xatırlayıblar. Onlar bulvara gül düzərək, dənizə qərənfil atıblar.
Xatırladaq ki, dekabrın 4-də saat 17:40 radələrində güclü tufan nəticəsində “Günəşli” yatağındakı 10 saylı dərin dəniz özülündə yüksək atmosfer təzyiqi ilə işləyən sualtı qaz xəttinin dayaq borusu qırılmış, boru kəməri zədələnmiş və yanğın baş vermişdir. Xilasetmə əməliyyatı nəticəsində 33 nəfər xilas edilib. 1 nəfər neftçinin cəsədi ailəsinə təhvil verilib, 29 nəfərin axtarışı davam etdirilir.
