Daxili İşlər Nazirliyi Biləsuvar rayonunun Aşağı Cürəli kəndində baş vermiş yol-nəqliyyat hadisəsi ilə bağlı məlumat yayıb. Lent.az nazirliyin saytına istinadən xəbər verir ki, dekabrın 6-da saat 11 radələrində Biləsuvar rayonunun Aşağı Cürəli kəndində rayon sakini Mənsur Bayramovun idarə etdiyi “VAZ-21154” və Astara rayon sakini Əlvan Şəfiyevin idarə etdiyi “MAN” markalı yanacaq daşıyan avtomobillər toqquşduqdan sonra “MAN” markalı avtomobil aşıb. Nəticədə “VAZ” markalı avtomobildə olan 4 sərnişin hadisə yerində ölüb. Sürücü isə xəstəxanaya yerləşdirilib.
BDYPİ tərəfindən araşdırma aparılır.
Qeyd edək ki, qəzada ölən 4 nəfər bir ailənin üzvləri (ata, ana və iki övladı) olub.
