Aktual mövzular: Dollar alış-satışı , Hava, Məzənnə, Neftin qiyməti

İtkin düşən neftçinin ailəsindən reportaj - video

İtkin düşən neftçinin ailəsindən reportaj - video

Peruda güclü daşqın: xeyli sayda ölən və itkin düşən var (17 Mart 2017 02:48)
Bakıda itkin düşən məktəblinin meyiti tapıldı (16 Mart 2017 09:27)
İtkin düşən məktəblinin meyiti su kanalında tapıldı (16 Mart 2017 08:58)

Tarix: 7 Dekabr 2015 14:36

Azərbaycan Dövlət Neft Şirkətinin “Günəşli” yatağındakı 10-cu dərin dəniz özülündə baş verən yanğın nəticəsində itkin düşən 29 nəfərdən biri Edik Rzaxanovdur. Üç azyaşlı övladı atalarının, valideynləri isə oğlunun yolu gözləyir.
 
Axşam.az-ın APA TV-nin şimal bürosunun xəbərinə görə, bu gün Edikin toyunun 7-ci ildönümüdür. Edik növbəni təhvil verib evə qayıtmalı, evliliyinin ildönümünü ailəsi ilə birlikdə qeyd etməli idi. Qardaşı deyir ki, hadisədən öncə Ediklə telefonla danışıblar: "Danışdıq, hal-əhval tutduq. Dedi, yaxşıdır hər şey, narahat olma. 4-cü gün səhər özü zəng vurub evlə danışıb. Deyib salamatçılıqdır".
 
Dayısının sözlərinə görə, Edik 7 il idi ki, dənizdə işləyirdi. Bu günə qədər hər hansı problem olmamışdı: "Yuxarı təşkilatlardan xahişim budur ki, axtarışları sürətləndirsinlər. Camaat gözləyir. Bizim də ümidimiz xəbərlərədir. Hər halda, yaxşı xəbərlər eşitmək istəyirik".
 
Qeyd edək ki, itkin düşən neftçilərdən 3-ü Xaçmaz rayonundandır. Dekabrın 4-də baş verən güclü tufan saat 17:40 radələrində “Günəşli” yatağındakı 10-cu dərin dəniz özülündə qaz xəttini sıradan çıxarıb, nəticədə yanğın baş verib. Hadisə zamanı 33 nəfər xilas olunub, 29 nəfər isə itkin düşüb.


Teqlər:  İtkin düşən neftçinin ailəsindən reportaj video



RƏYLƏR


Top xəbərlər