Bakı. Trend:
"Günəşli" yatağında baş vermiş yanğın zamanı itkin düşmüş şəxslərdən altısının cəsədi tapılıb.
Trend Fövqəladə Hallar Nazirliyinin saytına istinadən məlumat verir ki, saat 13:20 radələrində qəza baş vermiş özüldən 65-70 km məsafədə FHN-in helikopterləri dənizdə 6 nəfərin cəsədini aşkar etmiş və həmin cəsədlər helikopterin göyərtəsinə qaldırılmışdır.
Bunlardan Tağıyev Fuad Tahir oğlu və Mahmudov Ağa İzzət oğlunun cəsədləri sahilə çatdırılaraq aidiyyəti üzrə təhvil verilmişdir. Digər 4 cəsəd isə yaxın zamanda sahilə çatdırılacaq.
Axtarış əməliyyatı davam etdirilir. Əlavə məlumat veriləcək.
Bizi Twitter-dən izləyin: @trend_az
