Bakı, 7 dekabr, AZƏRTAC
Bu vaxtadək itkin düşən işçilərin 6-sının meyiti dənizdən çıxarılıb. Onlardan 2-sinin adları tibbi ekspertizadan sonra məlum olub. Həmin şəxslər Tağıyev Fuad Tahir oğlu və Mahmudov Ağa İzzət oğludur. Digər 4 nəfərin meyiti isə vertolyotla gətirilir və tibbi ekspertizadan sonra onların da adı açıqlanacaq.
AZƏRTAC xəbər verir ki, bu barədə dekabrın 7-də saat 16-də keçirilən mətbuat konfransında Azərbaycan Respublikası Dövlət Neft Şirkətinin (SOCAR) “Azneft” İstehsalat Birliyinin baş mühəndisi Balamirzə Ağarəhimov məlumat verib.
