Aktual mövzular: Dollar alış-satışı , Hava, Məzənnə, Neftin qiyməti

Azərbaycan Xalça Muzeyinin direktoruna şiddətli töhmət verildi, baş mühasib vəzifəsindən azad edildi

Azərbaycan Xalça Muzeyinin direktoruna şiddətli töhmət verildi, baş mühasib vəzifəsindən azad edildi

Universitetin rektoru vəzifəsindən azad edildi (13 Mart 2017 16:03)
Azərbaycan Universitetinin rektoru vəzifəsindən azad olunub (13 Mart 2017 15:17)
Cənubi Koreya prezidenti vəzifəsindən azad edildi (10 Mart 2017 10:48)

Tarix: 7 Dekabr 2015 17:38

Bakı. Trend:

Azərbaycan Xalça Muzeyində qanun pozuntuları barədə məlumat Mədəniyyət və Turizm Nazirliyi tərəfindən araşdırılıb.

Trend-in nazirliyin saytına istinadən verdiyi məlumata görə, araşdırmaların nəticəsi olaraq, Mədəniyyət və Turizm Nazirliyinin 27 noyabr 2015-ci il tarixli, 547 nömrəli əmri ilə Muzeyin fəaliyyətində yol verdiyi nöqsanlara, kollektivdə normal iş ahənginin pozulmasına şərait yaratdığına, rəhbərlik etdiyi muzeydə əmək və icra intizamına ciddi əməl olunmasını təmin etmədiyinə görə Azərbaycan Xalça Muzeyinin direktoru Röya Tağıyevaya sonuncu xəbərdarlıqla şiddətli töhmət verilib.

Öz vəzifəsinə məsuliyyətsiz münasibət göstərdiyinə, maliyyə vəsaitlərinin xərclənməsində sənədləşməni qanunvericiliyə uyğun aparmadığına görə Azərbaycan Xalça Muzeyinin baş mühasibi Gülnaz Rüstəmova tutduğu vəzifədən azad edilib.

Həmçinin Azərbaycan Xalça Muzeyinin fəaliyyətinə nəzarətin gücləndirilməsi, aşkar edilmiş nöqsanların aradan qaldırılması məqsədilə nazirliyin müvafiq strukturlarına konkret tapşırıqlar verilib.

Bizi Twitter-dən izləyin: @trend_az


Teqlər:  Azərbaycan Xalça Muzeyinin direktoruna şiddətli töhmət verildi baş mühasib vəzifəsindən azad edildi



RƏYLƏR


Top xəbərlər