Bakı, 7 dekabr, AZƏRTAC
Azərbaycan Milli Elmlər Akademiyası (AMEA) Botanika İnstitutunun baş elmi işçisi Əmrah Məmmədov Soçidə “Beynəlxalq Torpaq İli - 2015 və torpaqşünaslıq” konqresində iştirak edib.
İnstitutdan AZƏRTAC-a bildiriblər ki, tədbir M.V.Lomonosov adına Moskva Dövlət Universiteti və Beynəlxalq Torpaqşünaslıq Cəmiyyətinin birgə təşkilatçılığı ilə keçirilib.
Ə.Məmmədov konqresin plenar iclasında və iki sessiyasında çıxış edib. Onun “Ətraf mühitdə nəqliyyat, eroziya və deqradasiya prosesləri” mövzusunda məruzəsi iştirakçılar tərəfindən maraqla qarşılanıb.