Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Azneft": Yanğının söndürülməsinə iki kran tipli gəmi cəlb olunub

"Azneft": Yanğının söndürülməsinə iki kran tipli gəmi cəlb olunub

Date: 7 December 2015 20:32

Bakı. 7 dekabr. REPORT.AZ/ “Günəşli” yatağındakı 10 saylı dərin dəniz özülündə baş verən yanğın nəticəsində itkin düşənlərin axtarışları davam etdirilir. "Report" xəbər verir ki, bunu "Azneft" İstehsalat Birliyinin baş mühəndisi Balamirzə Ağarəhimov bildirib. 
O qeyd edib ki, bu gün helikopterlə Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Sabunçu rayon şöbəsinə gətirilən 4 nəfərin kimlikləri müəyyənləşib, onlar sabah dəfn olunacaq.
B.Ağarəhimov deyib ki, "Neft daşları" yatağında itkin düşmüş 3 nəfərin tapılması ilə əlaqədar cəlb olunmuş dalğıclar hava qaraldığından işlərini dayandırıb. "Günəşli yatağında isə helikopterlər işini dayandırıb. Axtarış işləri və yanğının söndürülməsi işləri gəmirlərlə davam etdirilir. Hazırda 7 gəmi ilə işlər aparılır. Yanğnın söndürülməsi üçün əlavə 2 kran tipli gəmi də cəlb olunub. Bu gün mütəxəssislər yanan platformaya qalxıblar və işləyirlər. Küləyin vəziyyətindən asılı olaraq, ya platformanı tərk edəcəklər, ya da orada işlərini davam etdirəcəklər". 
O xatırladıb ki, "Günəşli" yatağındakı vəziyyətlə bağlı Dövlət Komissiyasının iclası keçirilib.

Tags:  Azneft Yanğının söndürülməsinə iki kran tipli gəmi cəlb olunub

RƏYLƏR


Top news