Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Hamıdan ümidi kəsilən nə etsin?

Hamıdan ümidi kəsilən nə etsin?

Date: 7 December 2015 21:17

"İntihar heç vaxt çıxış yolu deyil. Həyatımızda nə baş versə də, ölüm son çarə deyil. Problem varsa, problemin həlli yolu da mütləq var. İmkan verməməliyik ki, problem bizi öz böyüklüyü ilə əzsin. Onu gözümüzdə böyütmək lazım deyil. Allahın bizə əmanət etdiyi cana xəyanət etməyə haqqımız yoxdur, onu qorumaq borcumuzdur".

Bu sözləri Bakı Dövlət Universitetinin müəllimi, "Psixologiya və konsultasiya mərkəz"inin psixoloqu Könül Cəfərova Milli.Az-a açıqlamasında deyib.
 
Onun sözlərinə görə, son zamanlar intihar halları əsasən gənclər arasında olur. Bunun əsas səbəbi uğursuz sevgilər, insanın depressiv halları, hər hansı xəstəliyin olduğunu eşitmək və buna hazır olmamaq, insanı sarsıdan xəbərlər, borclar, iqtisadi böhran və başqa amillərdir: "Ümumiyyətlə, həyatda səbəbsiz heç nə baş vermir. İnsanın həyatda yaşaması üçün müəyyən səbəblər var. Kimisi övladı, kimisi karyerası, kimi ailəsinə görə yaşamaq istəyir. Bunlarla yanaşı, insanın özünə qəsd etməsinə gətirən hadisələr ola bilər. Xəyanətlər, insanların qınağı onları intiharla üz-üzə qoya bilər".
 
Psixoloqun fikrincə, Azərbaycanda intihar hallarına digər dövlətlərə nisbətdə daha az rast gəlinir. Bu, ölkəmizdə insanların bir-biri ilə sıx qohumluq və dostluq əlaqələrinin olması ilə bağlıdır.
 
K.Cəfərova qeyd edib ki, insanın maddi və mənəvi tələbatları var. Amma arzularla reallıq çox vaxt üst-üstə düşmür. İnsanın "mən kodeks"i  3 istiqamətdə formalaşır: "Real mən, ideal mən, sosial mən. Real mən bir çox hallarda ideal mən və sosial məndən ziddiyyətlidir. Sosial mən insanın həyatını başqalarının fikrinə görə tənzimlədiyi istiqamətdir.  Real mən hal-hazırkı vəziyyət, yaşamdır. İdeal mən isə insanın özünü görmək istədiyi məqamdır. Bir çox hallarda insanlar görmək istədikləri məqamları özləri üçün müəyyənləşdirə bilmirlər. Problem də əsasən buradan başlayır. İnsanlar özlərini bəzən görmək istədikləri, lakin görə bilmədikləri, daxili məni ilə ziddiyyətlərin başladığı məqamlarda həyatla çarpışmağa başlayırlar. Ziqmund Freyd deyirdi ki, sosial mühitlə sosial mən arasında daxili diskomfort yaşanır. Həmin mübarizə insanın şüuraltı arzu və istəklərinin fonunda yaranır. İnsanın maddi və mədəni tələbatları ödənilmədikdə insan çıxılmaz vəziyyətdə qalır, sosial mühitdən uzaqlaşır, cəmiyyətdən təcrid olunur, intihara gətirib çıxaran hallar yaşayır. Ümumən, hər şey bizim düşüncələrimizdən başlayır. Çünki düşüncələrimiz hisslərimizə, hisslərimiz vərdişlərimizə, vərdişlərimiz birbaşa xarakterimizə, xarakterimiz isə həyatımıza təsir edir. Ona görə də sağlam mühitdə sağlam şəxsiyyət kimi formalaşmaq istəyiriksə, birmənalı olaraq, düşüncələrimizi tənzimləməliyik".
 
Psixoloq bildirib ki, həyata sevgi ilə sarılmaq, həyatın mənasını tapmaq lazımdır: "Xoşbəxtlik dediyimiz nüans insanın daxilindədir. Heç kəs xoşbəxtliyi kənarda axtarmasın, özündə axtarmağa çalışsın. Xoşbəxtliyi özündə axtaran insan heç vaxt intihar etmək fikrinə düşmür".
 
Bəxtiyar Umarlı
Milli.Az


Tags:  Hamıdan ümidi kəsilən etsin


RƏYLƏR


Top news