Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Xilas olan neftçilərin ANS-ə təsirli açıqlamaları (VİDEO)

Xilas olan neftçilərin ANS-ə təsirli açıqlamaları (VİDEO)

Date: 7 December 2015 22:01

“Günəşli” yatağındakı 10 saylı dərin dəniz özülündə baş vermiş qəzada sağ qalan neftçi Faiq Cəfərov ANS-in efirində yayımlanan "Deməsək, olmaz" verilişinə danışıb.

Faiq Cəfərov sağ qalmasını Allahın möcüzəsi kimi qiymətləndirir. O, Allahın oradakı işçilərin xilası üçün kimlərisə göndərdiyini və xilasedicilərin şücaəti sayəsində mümkün olduğunu dedi:

“Hadisə anı o qədər dəhşətli idi ki, onu olduğu kimi görmək mümkün deyil. Ailəliyəm üç uşağım var, qızım və oğlum ali təhsillidir. Hazırda oğlum hərbi xidmətdədir. Evin son beşiyi isə 9-cu sinifdə oxuyur".

F.Cəfərov hadisə baş verəndən sonra yarım saat suda qalıb: "Bu müddət ərzində gözümün önünə ailəm və uşaqlarım gəldi. Düşünürdüm ki, doğrudan da bundan sonra onlar mənsiz yaşamalıdır. Mən özlüyümdə bunu qəbul edə bilmirdim. Odur ki, xilas olmaq üçün bütün üsullardan istifadə etməyə çalışırdım. Xilasedici gödəkcədən, eləcə də parçalanmış qayığın suda batmamış hissəsindən yaralanmaq. Son məqamda isə xilasedicilər bizi xilas etdilər”.

Daha ətraflı video-reportajda baxa bilərsiniz.



Dekabrın 4-də “Günəşli” yatağındakı 10 saylı dərin dəniz özülündə 110 atmosfer təzyiqi ilə işləyən sualtı qaz xəttinin dayaq borusu qırılıb və nəticədə boru kəməri zədələnib, şiddətli yanğın baş verib.

Özüldə istismarda olan 28 ədəd neft və qaz quyusunun istismarı dayandırılıb. Lakin texnoloji sistemlərdə və boruda olan qalıq qazın hesabına yanğın hələ davam edir. Ehtimal olunur ki, hazırda davam edən yanğın özüldəki neft və ya qaz quyularına da keçib. İşçilər özüldəki iki xilasedici qayığa minərək, qayıqları aşağı buraxıblar. Qayıqlar dəniz səviyyəsindən təqribən 10 metr məsafəyə qədər endirilərək saxlanılıb.

Qasırğanın güclənməsi, dalğanın faktiki hündürlüyünün 9-10 metrə qədər çatması səbəbindən gəmilərin heç biri özülə yan ala bilməyib. Güclü küləyin təsiri və hündür dalğaların zərbəsi nəticəsində xilasedici qayıqlardan birinin qarmağı açılıb və qayıq, içindəki adamlarla birlikdə dənizə düşüb.


Yanğın hələ də söndürülməyib

İkinci xilasetmə qayığındakı işçilərin də təxliyyə edilməsi əməliyyatı həyata keçirilib. Cəmi 32 nəfər təxliyyə edilib, 1 nəfərin isə meyiti sudan çıxarılıb. Faktla bağlı Baş Prokurorluğun Ağır cinayətlərə dair işlər üzrə istintaq idarəsində Yanğın təhlükəsizliyi qaydalarını pozma ağır nəticələrə səbəb olma maddəsi ilə cinayət işi başlanıb.

Azərbaycan prezidenti İlham Əliyev dekabrın 6-nın ölkədə matəm elan olunması ilə bağlı sərəncam imzalayıb.

Xəzərdəki faciə ilə bağlı digər bütün məlumatlar aşağıdakı linklərdə:

6 neftçinin meyiti tapıldı (YENİLƏNİB I, VİDEO)
Rövnəq Abdullayevdən yanğındakı itkilərlə bağlı açıqlama (YENİLƏNİB - 2, FOTO)
Xilas edilən neftçi hadisənin necə baş verdiyini ANS-ə danışdı (VİDEO, YENİLƏNİB)
Xəstəxanadakı yaralıların siyahısı və diaqnozu (YENİLƏNİB)
Xəzərdəki faciədə bir nəfərin cəsədi tapıldı
Neft daşlarındakı faciə ilə bağlı yeni məlumat yayıldı (YENİLƏNİB)
Xəzərdə yanğında olan işçilərin son vəziyyəti (YENİLƏNİB, FOTO)
SOCAR prezidenti yanan platformada - özüldə işçilər qalıb (VİDEO, YENİLƏNİB)
"Reuters": Xəzərdə 32 nəfər ölüb
Prezident Xəzərdəki yanğınla bağlı sərəncam verdi
Xəzərdəki itkilərlə bağlı rəsmi açıqlama
Xəzərdə xilas edilən və itkin düşənlərin adları (TAM SİYAHI)
Azərbaycanda matəm elan olundu
Xəzərdə itkin düşənlərin axtarışlarına dalğıclar cəlb olundu
Xəzərdə itkin düşənlərlə bağlı son açıqlama verildi (YENİLƏNİB - 2)
"İtkin düşənlərin sağ qalmaq ehtimalı yoxdur"
Azərbaycanda bəzi telekanallar matəmə riayət etmir
Xəzər dənizindəki əməliyyatdan ilk görüntülər (VİDEO)
Xəzərdə baş verən faciə ilə bağlı ANS TV və ANS ÇM proqramını dəyişdi
Azərbaycan matəm içində: əyləncəli tədbirlər təxirə salındı, bayraqlar endirildi (FOTO)
Xəstəxanaya yerləşdirilən neftçilər haqda son məlumat
#PrayForAzerbaijan: "Günəşli" faciəsi sosial şəbəkələrdə anılır

Tags:  Xilas olan neftçilərin ANS-ə təsirli açıqlamaları VİDEO


RƏYLƏR


Top news