Sofiya, 8 dekabr, AZƏRTAC
“Novinite” xəbər agentliyinin məlumatına görə, Sofiyanın mərkəzində yerləşən “Paradise” ticarət mərkəzinin yaxınlığında naməlum şəxslər maşından atəş açıblar. Nəticədə 3 nəfər yaralanıb.
Hadisə yerinə polis və təcili yardım maşınları cəlb olunub. Yaralılar xəstəxanaya yerləşdiriliblər. Ticarət mərkəzinin yaxınlığındakı bəzi yollarda nəqliyyatın hərəkəti dayandırılıb.
İqbal Hacıyev
AZƏRTAC-ın xüsusi müxbiri
Sofiya