Aktual mövzular: Dollar alış-satışı , Hava haqqında, Məzənnə, Neftin qiyməti

Bakıda iki avtomobili toqquşub, xəsarət alan var

Bakıda iki avtomobili toqquşub, xəsarət alan var

Date: 8 December 2015 07:57

Bakıda xəsarətlə nəticələnən yol qəzası baş verib.

Milli.Az APA-ya istinadən xəbər verir ki, hadisə paytaxtın Binəqədi rayonu ərazisində qeydə alınıb.
 
Cəfər Xəndan küçəsi ilə Azadlıq prospektinin kəsişməsində "Hyundai" və "Opel" markalı avtomobillər toqquşub.
 
İlkin məlumata görə, hadisəyə təcili xəstəxanaya çatdırılmalı olan xəstəni aparan "Hyundai" markalı avtomobilin sürücüsünün yol hərəkəti qaydasını pozması səbəb olub. Belə ki, o, Azadlıq prospekti ilə hərəkətdə olarkən işıqforun qırmızı işığına məhəl qoymayıb və "Hyundai" Cəfər Xəndan küçəsi ilə hərəkət edən "Opel"ə çırpılıb. Nəticədə "Opel"in sürücüsü Feruz Gülməmmədov xəsarət alıb. O, təcili tibbi yardım briqadası tərəfindən xəstəxanaya çatdırılıb.
 
Yol polisi əməkdaşları hadisə yerində müayinələr aparıblar. Qəzanın dəqiq səbəbi təyin edilmiş avtotexniki ekspertizanın rəyindən sonra məlum olacaq.

Milli.Az






Tags:  Bakıda iki avtomobili toqquşub xəsarət alan var

RƏYLƏR


Top news