Estoniya prezidenti Toomas İlves nişanlanıb. Onun nişanlısı Latviya Daxili İşlər Nazirliyinin Kibertəhlükəsizlik Xidmətinin rəhbəri İeve Kupsedir.
Milli.Az BBC-yə istinadən bildirir ki, nişanlanma faktını Estoniya prezidentinin dəftərxanasında təsdiqləyiblər.
38 yaşlı Kupsenin nişanlanmadan sonra vəzifəsində qalıb-qalmayacağı bəlli deyil.
61 yaşlı İlves indiyədək iki dəfə nikahda olub, onun 3 övladı var. İlves ikinci arvadı ilə bu il boşanıb.
Toomas İlvesin prezidentlik səlahiyyətləri 2016-cı ilin avqustunda başa çatacaq.
Estoniya prezidenti və Kupse 2000-ci illərin əvvəllərində Avropa Parlamentində tanış olublar.
Milli.Az