Ermənistanın “Yox” cəbhəsi və “Yeni Ermənistan” qurtuluş cəbhəsinin İrəvanın mərkəzində birgə etiraz aksiyası baş tutub.
ANS PRESS-in məlumatına görə, etirazçılar paytaxtda yürüş keçiriblər. Yürüşdən sonra ölkədə baş tutan referendum nəticələrində narazı qalanlar oturaq aksiyaya başlayıblar.
Dekabrın 10-u saat 13:00-da isə “Yeni Ermənistan” Ermənistan Milli Konqresinin (EKM) təşkil etdiyi insan hüquqlarının pozulmasına qarşı yürüşə qatılacaq.
Yaxın 3 gün ərzində “Yeni Ermənistan” üzvləri Azadlıq meydanında toplaşaraq mitinqlər keçirəcək.
Daha əvvəl Erməni Milli Konqresi (EMK) fraksiyasının rəhbəri Levon Zurabyan parlamentin sessiyalarını boykot edəcəklərini bildirib.
Dekabrın 6-sı Ermənistanda ölkənin idarəetmə quruluşunu dəyişmək üçün referendum keçirilib. Ölkə vətəndaşları Ermənistanın prezident idarəetmə quruluşundan parlament idarəetməsinə keçidi nəzərdə tutan konstitusiya dəyişikliklərinə səs veriblər.
Səsvermənin nəticələrinə görə, seçicilərin 74,87% -i islahatlara “hə” deyib. 22,31% seçici isə islahatların əleyhinə səs verib.
Serj Sarkisyan - Ermənistan prezidenti
Konstitusiyaya dəyişikliklə əlaqədar olaraq, bir neçə ay ərzində ölkə əhalisi keçirilən referenduma etiraz edirdilər. "İrs", Levon Ter-Petrosyanın rəhbərlik etdiyi "Erməni milli konqresi", ölkənin keçmiş prezidenti Robert Koçaryan seçkilərin əleyinə mitinqlər təşkil edirdilər. Etirazçılar bildiriblər ki, cinayətkar rejim devrilməyincə mitinqlərə son qoyulmayacaq.
Ermənistanda referendumla bağlı keçirilən aksiyalar