Bakı. Təmkin Cəfərov - Trend:
İranın Kirmanşah şəhərinin Səhnə şəhərində sərbəst güləş üzrə milli komandanın üzvü və Asiya çempionu olmuş Firidun Qənbəri güllələnərək öldürülüb. Trend-in məlumatına görə, bu barədə İranın YJC xəbər saytı məlumat verib.
Məlumata əsasən, naməlum şəxslər idmançının avtomobilinə atəş açıblar. F.Qənbəri 7 güllə yarası alıb və xəstəxanaya çatdırılarkən yolda həlak olub.
Hadisənin təfərrüatları açıqlanmır. Faktla bağlı cinayət işi açılıb.
Bizi Twitter-dən izləyin: @trend_az
