Aktual mövzular: Dollar alış-satışı , Hava haqqında, Məzənnə, Neftin qiyməti

Neft şirkətinin rəhbəri qətldə günahlandırılır

Neft şirkətinin rəhbəri qətldə günahlandırılır

Date: 8 December 2015 11:26

Rusiyanın neft şirkəti olan YUKOS-un (ЮКОС) keçmiş rəhbəri Mixail Xodorkovski axtarışa verilib.

ANS PRESS-in məlumatına görə, keçmiş rəhbər Rusiyanın hüquq-mühafizə orqanları tərəfindən federal axtarışdadır.

Mixail Xodorkovski 1998-ci ildə Nefteyuqansk şəhərinin meri Vladimir Petuxovun ölümündə şübhəli bilinir.

Petuxovun ölümündə şübhəli bilinənin mətbuat katibi Kyulle Pispanen bildirib ki, Xodorkovski istintaqda iştirak etmək və Rusiyanın İstintaq komitəsi ilə əlaqə qurmaq niyyətində deyil.


Mixail Xodorkovski - YUKOS-un keçmiş rəhbəri


"Məncə, yox. Bu oyunda iştirak etmək? O artıq onlarla 10 il kifayət qədər oynayıb", - deyən mətbuat katibi rəhbərinə qarşı qaldırılan iddiaların yalan olduğunu bildirib.

Mixail Xodorkovskinin sorğuya çağırılması haqqında sənəd onun atasına göndərilib. O isə hiddətlənərək öz tvitter səhifəsində ünvanını qeyd edib və sənədin ona göndərilməli olduğunu yazıb.

"Bu gün atama gətiriblər. Elə bil, mənim ünvanımı bilmirlər", - yazan sahibkar paylaşımında sənədin şəklini də yerləşdirib.


Xodorkovskinin tvitter səhifəsində paylaşdığı şəkil


Mixail Xodorkovski 1997-2004-cü illərdə YUKOS neft şirkətinin rəhbəri olub. 2003-cü il 25 oktyabrda vergidən yayınmaqda ittiham edilərək həbs edilib. Həbs edilən zaman onun varidatı 15 milyard dollar dəyərində qiymətləndirilirdi.

Bu hadisələrdən sonra YUKOS müflis elan edilib. Xodorkovski isə 2005-ci ildə məhkəmə tərəfindən günahkar elan edilərək 10 il 10 ay müddətinə həbs edilib.



İndi isə Mixail Xodorkovski adam öldürməkdə ittiham edilir. O, Rusiyanın Nefteyuqansk şəhərinin meri Vladimir Petuxovun qətlini sifariş etməkdə günahlandırılır.

Mixail Xodorkovskinin özü isə bu itihamı rədd edir və bildirir ki, bütün bunlar onun hakimiyyətə müxalif siyasi fikrilərinə görədir.

Tags:  Neft şirkətinin rəhbəri qətldə günahlandırılır


RƏYLƏR


Top news