Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

“Ən yaxşı müəllim” müsabiqəsi davam edir

“Ən yaxşı müəllim” müsabiqəsi davam edir

Date: 8 December 2015 12:18


Bakı, 8 dekabr, AZƏRTAC
“Ən yaxşı müəllim” müsabiqəsi davam edir.
Təhsil Nazirliyindən AZƏRTAC-a bildiriblər ki, 2015-ci ildə keçirilən müsabiqədə iştirak üçün altı yüz müəllim Təşkilat Komitəsinə müraciət edib. Bu qurumda nazirliyin müvafiq struktur bölmə rəhbərləri təmsil olunurlar.
Müsabiqənin ilk mərhələsində verilmiş sənədlərin ekspertizası həyata keçirilib və nəticədə 143 müəllim növbəti mərhələyə buraxılıb.
“Ən yaxşı müəllim” müsabiqəsinin ikinci mərhələsinə vəsiqə qazanmış müəllimlər Bakının 50 məktəbində sınaq-nümunə dərsləri keçiblər. Dərslərdə iştirak edən müsabiqə komissiyası hər bir müəllimin tədris bacarığını 10 ballıq sistemlə qiymətləndirib.
Üçüncü mərhələdə həmin müəllimlər Təşkilat Komitəsi qarşısında təqdimatla çıxış edirlər. Bu təqdimat da 10 ballıq sistemlə qiymətləndirilir.
Yekunda bütün mərhələlər üzrə ballar toplanacaq və ən çox bal toplamış 95 müəllim müsabiqənin qalibi elan olunacaq. Eyni proses Naxçıvan Muxtar Respublikasında da həyata keçirilir. Burada seçilmiş beş ən yaxşı müəllim müsabiqə qaliblərinin sırasına əlavə olunacaq və beləliklə, 2015-ci ildə respublika üzrə növbəti 100 müəllim “Ən yaxşı müəllim” müsabiqəsinin qalibi elan ediləcək.

Tags:  müəllim müsabiqəsi davam edir


RƏYLƏR


Top news