Rusiyanın dekabrın 5-də kosmosa buraxdığı "Kanopus-ST" hərbi kosmik aparatı orbitə çıxa bilməyib. Peyki start blokuna bağlayan 4 qıfıldan biri işləmədiyi üçün aparat yerə düşüb.
Milli.Az TASS-a istinadən bildirir ki, itkini Rusiyanın Hava-Kosmik Qüvvələrindəki mənbə də təsdiqləyib.
"Bu gün kosmik aparat "Volqa" çıxarıcı bloku ilə Atlantikanın cənub hissəsində atmosferə girib. Aparat və blok atmosferin sıx qatında tamamən yanıblar", - mənbə söyləyib.
"Soyuz-2.1B" raketi iki hərbi peyki Plesetsk kosmodromundan kosmosa çıxarmışdı.
Milli.Az