Aktual mövzular: Dollar alış-satışı , Hava haqqında, Məzənnə, Neftin qiyməti

Sürətli şahmat üzrə “ACP Masters” turniri davam edir

Date: 8 December 2015 13:38


Bakı, 8 dekabr, AZƏRTAC
Xəbər verdiyimiz kimi, İsrailin Aşdod şəhərində Şahmat Peşəkarları Assosiasiyası tərəfindən təşkil olunan sürətli şahmat üzrə “ACP Masters” turniri keçirilir. Turnirdə azərbaycanlı qrossmeyster Qədir Hüseynov da iştirak edir.
AZƏRTAC xəbər verir ki, dekabrın 7-də ilk üç tur oynanılıb. Həmyerlimizin yer aldığı “A” qrupunda Yan Nepomnyaşşi 2,5 xalla liderlik edir. Boris Gelfand, Samuel Sevyan 2, Dmitri Yakovenko 1,5, Qədir Hüseynov 1 xal toplayıb. “B” qrupunda Vasili İvançukun 2, Etyen Bakro, Riçard Rapport, İlya Smirin və Pavel Elyanovun 1,5, Emil Sutovskionun 1 xalı var.
Bu gün dördüncü və beşinci tur oynanılacaq. Hər qrupdan iki ən yaxşı şahmatçı pley-offda mübarizəni davam etdirəcək.
Dekabrın 9-da yarımfinallar (iki partiya rapid, bərabər hesabla blits və “armaqeddon”), 10-da isə final keçiriləcək (4 partiya rapid və lazım gələrsə, tay-breyk).

Tags:  Sürətli şahmat üzrə ACP Masters turniri davam edir



RƏYLƏR


Top news