Aktual mövzular: Dollar alış-satışı , Hava haqqında, Məzənnə, Neftin qiyməti

18 il azadlıqdan məhrum edilmiş şəxsin işində yenilik -Şahidlər yenidə dindiriləcək

18 il azadlıqdan məhrum edilmiş şəxsin işində yenilik -Şahidlər yenidə dindiriləcək

Date: 8 December 2015 13:54

Bu gün Bakı Ağır Cinayətlər Məhkəməsində Sahil bağında qətl törətməkdə təqsirli bilinən Gürcüstan vətəndaşı Elçin Çobanovum cinayət işi üzrə məhkəmə prosesi davam edib.
 
Lent.az-ın məlumatına görə, hakim Rasim Sadıqovun sədrliyi ilə keçirilən prosesdə müdafiəçi Ramin Əliyevin verdiyi vəsatət müzakirə olunub. O, ötən prosesdə vəsatət qaldıraq ibtidai istintaqı aparan müstətiqin, tibbi ekspertinin, təqsirləndirilən şəxsin eləcə də şahidlərin yenidən dindirilməsini istəyib.  Prokuror vəsasətin əsasız olduğunu bildirib. Hakimlər kollegiyası yerində müşavirə edərək vəsatəti qismən təmin edib. Təmin olunan hissədə  təqsirləndirilən şəxs, şahid qismində olan onun yoldaşı Leyla Çobanova, qaynatası  Cəlal Hacıyev və hadisə yerində olan şahidlər yenidən məhkəməyə dəvət olunaraq vəkilin suallarını cavablandıracaq.
 
Xatırladaq ki, ötən proseslərdə prokuror çıxış edərək məhkəmədən Elçin Çobanovun 18 il müddətə azadlıqdan məhrum edilməsi istəmişdi.
 
 
 
Qeyd edək ki, bu il yanvarın 6-da "Sahil" bağında qətl törədilib. Elçin Çobanov orada mübahisə zəminində it gəzdirən Həsən Həsənov və Orxan Məmmədzadəyə bıçaqla xəsarət yetirib. Həsən Həsənov hadisə yerində ölüb. Təqsirləndirilən şəxs bildirib ki, həyat yoldaşı Leyla Çobanovanı  Nəsrəddin Tusi adına Azərbaycan Dövlət Pedaqoji Universitetindən gətirərkən Həsən Həsənovun gəzdirdiyi it onun yoldaşına hürməyə başlayıb. Elçin Çobanov buna görə əsəbiləşib və Həsən Həsənovdan itini kənara çəkməyi tələb edib. Oğlan bu tələbin qarşılığında itin ağzının bağlı olduğunu, qızlara xəsarət yetirə bilməyəcəyini deyib. Tərəflər arasında mübahisə yaranıb və Elçin Çobanov üzərində gəzdirdiyi bıçağı çıxararaq əvvəlcə Həsən Həsənova, sonra isə söhbətə müdaxilə edən Orxan Məmmədzadəyə zərbə endirib. Daha sonra o həyat yoldaşı ilə birlikdə hadisə yerini tərk edib.

Tags:  il azadlıqdan məhrum edilmiş şəxsin işində yenilik -Şahidlər yenidə dindiriləcək

RƏYLƏR


Top news