Aktual mövzular: Dollar alış-satışı , Hava haqqında, Məzənnə, Neftin qiyməti

Əmək müqaviləsi bildirişləri üzrə e-informasiya sisteminə böyük üstünlük verilir

Əmək müqaviləsi bildirişləri üzrə e-informasiya sisteminə böyük üstünlük verilir

Date: 8 December 2015 15:58

Bakı. Trend:

Cari ilin noyabr ayında əhali Azərbaycan Əmək və Əhalinin Sosial Müdafiəsi Nazirliyinin əmək müqaviləsi bildirişləri üzrə elektron informasiya sistemindən ümumilikdə 153 163 dəfə istifadə edib.

Nazirliyin İctimaiyyətlə əlaqələr şöbəsindən Trend-ə verilən məlumata görə, onlardan 120 220-si “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidmətinə, 32 943-ü isə “Əmək müqaviləsi bildirişləri barədə məlumatların işçilər tərəfindən əldə edilməsi” e-xidmətinə aid olub.

Ötən ilin iyul ayından əmək müqaviləsi bildirişləri üzrə elektron qeydiyyat sisteminin tətbiqi ilə əlaqədar “Elektron hökumət” portalı üzərindən əhaliyə təqdim olunan hər iki xidmət vətəndaşların ən çox faydalandığı e-xidmətlər sırasındadırlar.

Qanunvericiliyə əsasən, işəgötürənlər və işçilər arasında bağlanan hər bir əmək müqaviləsi, müqaviləyə dəyişiklik edilməsi, yaxud xitam verilməsi bu barədə müvafiq bildiriş forması əmək müqaviləsi bildirişləri üzrə elektron informasiya sistemində qeydiyyatdan keçirilməlidir. İşəgötürənlər tərəfindən bu prosedur “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidməti vasitəsilə həyata keçirilir. “Əmək müqaviləsi bildirişləri barədə məlumatların işçilər tərəfindən əldə edilməsi” e-xidməti isə işçilərə onlarla bağlanmış əmək müqaviləsi bildirişi barədə real vaxt rejimində məlumat əldə etməyə imkan verir.

Cari ilin 11 ayında əhali Əmək və Əhalinin Sosial Müdafiəsi Nazirliyinin yalnız bu iki e-xidmətindən 1 828 890 dəfə yararlanıb.

Bizi Twitter-dən izləyin: @trend_az


Tags:  Əmək müqaviləsi bildirişləri üzrə e-informasiya sisteminə böyük üstünlük verilir

RƏYLƏR


Top news