Aktual mövzular: Dollar alış-satışı , Hava haqqında, Məzənnə, Neftin qiyməti

YAP-ın rayon təşkilatlarından birinin sədri dəyişdirilib

YAP-ın rayon təşkilatlarından birinin sədri dəyişdirilib

Date: 8 December 2015 16:47

Bakı. 8 dekabr. REPORT.AZ/ Yeni Azərbaycan Partiyası (YAP) Kəngərli rayon təşkilatının VI növbədənkənar konfransı olub. “Report”un xəbərinə görə, konfransda YAP Naxçıvan Muxtar Respublika Təşkilatının icra katibi, Naxçıvan Muxtar Respublikası Ali Məclisinin deputatı Anar İbrahimov çıxış edib.
Bildirilib ki, YAP Kəngərli rayon təşkilatının rəhbər orqanlarının fəaliyyətini təmin etmək məqsədilə YAP Naxçıvan Muxtar Respublika Təşkilatının sədri müvafiq qərar imzalayıb: “Qərara uyğun olaraq, YAP Kəngərli rayon təşkilatının VI növbədənkənar konfransı keçirilir”.
Növbədənkənar konfransda YAP Kəngərli rayon təşkilatının 19 nəfərdən ibarət şurasının, 9 nəfərdən ibarət İdarə heyətinin, həmçinin Qadınlar Şurasının, Gənclər Birliyinin İdarə heyətinin və Nəzarət-təftiş qrupunun üzvləri seçilib.
Naxçıvan Muxtar Respublikası Ali Məclisinin deputatı Sevda Quluyeva YAP Kəngərli rayon təşkilatının sədri seçilib. S.Quliyeva ona göstərilən etimada görə konfrans iştirakçılarına minnətdarlığını ifadə edib, bu şərəfli və məsuliyyətli işin öhdəsindən gəlmək üçün səylə çalışacağını bildirib.
Qeyd edək ki, YAP Kəngərli rayon təşkilatı 2004-cü il iyulun 14-də təsis edilib. Təşkilatın əvvəlki sədri Fazil Abbasov olub.

Tags:  YAP-ın rayon təşkilatlarından birinin sədri dəyişdirilib

RƏYLƏR


Top news