Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

Baş nazir: "Türkiyə qarşılaşdığı mənasız embarqonun qarşısında aciz qalacaq dövlət deyil"

Date: 8 December 2015 16:52

"Report"un məlumatına görə, bunu ölkənin baş naziri Əhməd Davudoğlu parlamentdə Ədalət və İnkişaf Partiyasının (AKP) qrup toplantısında bildirib.
Onun sözlərinə görə, Avropa İttifaqına üzvlük Türkiyə üçün çox önəmlidir: "Bu prosesi sürətləndirməkdə qərarlıyıq".
Baş naziri rəsmi Moskva və İran hakimiyyətini Türkiyəyə qarşı tutduqları mövqeyə görə tənqid edib. Ə.Davudoğlu Rusiyanın sanksiyalarından daha çox qarşı tərəfin ziyan görəcəyini söyləyib: "İstənilən vəziyyətə hazırıq. Nazirlərimiz Rusiyanın sanksiyaları ilə bağlı görüşüb, müzakirələr aparıblar. Yanacaqla bağlı ehtimal olunan problemin aradan qaldırılması istiqamətində fəaliyyətimizi davam ediririk. Meyvə-tərəvəz ixracı ilə bağlı problemlərin həlli istiqamətində də addımlar atılır. Alternativ bazarlar üçün lazım olan hər cür tədbirləri görürük. İş adamlarına dəyən ziyanın qarşılığını ödəyəcəyik, onların zərər görməsinə imkan verməyəcəyik. Turist səfərləri təşkil eədn tur operatorlara bütün hallarda dəstək verəcəyik. Biz qarşılaşdığımız mənasız embarqonun qarşısında aciz qalacaq dövlət deyilik".
Ə.Davudoğlu toplantıdakı çıxışında İran hakimiyyətinə müraciət edib: "Onlara qarşı tətbiq edilən sanksiyalara qoşulmadıq. Hər cür problemlərinin həllinə yardım etdik. Bir gün İran xalqı onlardan Ttürkiyəyə qarşı davranışına görə hesabat tələbə edəcək.
Biz Ukrayna məsələsi ilə bağlı Rusiyaya qoyulan qadağalara da qoşulmadıq. Rus xalqının ərzaqla bağlı problemlərinin həllinə yardım etdik.
İran və Rusiya xalqları Türkiyənin onlara etdiyi yaxşılığı bilir. Hər iki ölkənin hakimiyyətinin daha məntiqli davranmağa çağırıram".
Baş nazir deyib ki, Türkiyənin Rusiyaya qarşı tətbiq edəcəyi sanksiyalarla bağlı beynəlxalq hüquq çərçivəsində lazım olan addımlar atacaqlar. 
Qeyd edək ki, bu gün Türkiyə hökumətinin Rusiyaya qarşı tətbiq edəcəyi sanksiyalar haqda açıqlama verəcəyi gözlənilirdi. Ancaq baş nazir Əhməd Davudoğlu sanksiyalar paketinin hazır olduğunu desə də tətbiqi tarixindən danışmayıb.


Tags:  Baş nazir Türkiyə qarşılaşdığı mənasız embarqonun qarşısında aciz qalacaq dövlət deyil

RƏYLƏR


Top news