Aktual mövzular: Dollar alış-satışı , Hava haqqında, Məzənnə, Neftin qiyməti

"Günəşli"dəki yanğın Xəzər dənizinin ekologiyası üçün fəsad yaratmayıb

"Günəşli"dəki yanğın Xəzər dənizinin ekologiyası üçün fəsad yaratmayıb

Date: 8 December 2015 16:58

Bakı. İlhamə İsabalayeva - Trend:

"Günəşli" yatağının 10-cu özülündə baş verən yanğın zamanı Xəzər dənizinin ekologiyası üçün fəsad yaranmayıb.

Trend-in məlumatına görə, bunu "Azneft” İstehsalat Birliyinin baş mühəndisi Balamirzə Ağarəhimov "Günəşli" yatağının 10-cu özülündə baş verən yanğın hadisəsi ilə bağlı son vəziyyətə aydınlıq gətirərkən deyib.

O, qeyd edib ki, orada yanğın olmasaydı, açıq fontan baş versəydi, o zaman ekologiya üçün fəsad ola bilərdi.

Hava şəraiti ilə əlaqədar olaraq hadisədən bir gün əvvəl edilən xəbərdarlığa əsasən işçilərin platformadan çıxarılmasına da münasibət bildirən baş mühəndis qeyd edib ki, hava şəraitindən, küləyin sürətindən asılı olaraq, işlərin məhdudlaşdırılması mexanizmi var: "Biz bu mexanizmə uyğun hərəkət edirik. Bu platforma layihə zamanı ən yüksək ballı - maksimum 12 ballı küləklər üçün nəzərdə tutulub".

Bizi Twitter-dən izləyin: @trend_az


Tags:  Günəşlidəki yanğın Xəzər dənizinin ekologiyası fəsad yaratmayıb

RƏYLƏR


Top news