Bakı, 8 dekabr, AZƏRTAC
Azərbaycan Milli Elmlər Akademiyasının (AMEA) Radiasiya Problemləri İnstitutunda Avropa İttifaqının “Horizon-2020” proqramı üzrə məlumatlandırma seminarı keçirilib.
AMEA-dan AZƏRTAC-a bildiriblər ki, tədbirdə istitutun direktoru, professor Oqtay Səmədov əməkdaşları proqram üzrə elan olunan layihələrdə fəal iştirak etməyə çağırıb.
Sonra “Horizon-2020” proqramının təhlükəsiz enerji və enerji effektivliyi üzrə əlaqələndiricisi, AMEA-nın müxbir üzvü İslam Mustafayev layihə barədə məlumat verib.
Seminarda AMEA-nın İdarəetmə Sistemləri İnstitutunun aparıcı elmi işçisi Elxan Səbziyev proqramların tərtibatı, tərəfdaşların cəlb edilməsi, elan olunmuş istiqamətlər üzrə layihələrin təqdimatı qaydalarından danışıb.