Aktual mövzular: Dollar alış-satışı , Hava haqqında, Məzənnə, Neftin qiyməti

AMEA vitse-prezidenti Misir Mədəniyyət Mərkəzində olub

AMEA vitse-prezidenti Misir Mədəniyyət Mərkəzində olub

Date: 8 December 2015 20:42

Bakı. 8 dekabr. REPORT.AZ/ Azərbaycan Milli Elmlər Akademiyasının vitse-prezidenti akademik İsa Həbibbəyli Misirin Azərbaycandakı səfirliyinin Mədəniyyət və təhsil əlaqələri mərkəzində görüşdə olub.
Səfirlik mədəniyyət mərkəzindən "Report"a verilən məlumata görə, görüşdə Mərkəzin rəhbəri Əhməd Sami Elaydi qonağa Mərkəzin yaranma tarixindən, fəaliyyətindən, Azərbaycanın təhsil ocaqları ilə, AMEA ilə əməkdaşlığından, o cümlədən misirli tələbələrin AMEA-da təhsil almasından danışdı.
Öz növbəsində Mərkəzlə yaxından tanış olan İ.Həbibbəyli Azərbaycan və Misir arasında olan əlaqələrin möhkəmliyini vurğulayaraq bu əlaqələrin gələcəkdə də müxtəlif sahələrdə möhkəmlənməsinin vacibliyini qeyd etdi.
Bundan başqa tərəflər arasından yaxın günlərdə beynəlxalq ərəb dili gününün qeyd olunması ilə əlaqədar AMEA Ədəbiyyat İnstitutunda birgə tədbirin təşkil olunması müzakirə edildi.

Tags:  AMEA vitse-prezidenti Misir Mədəniyyət Mərkəzində olub

RƏYLƏR


Top news