Dünən mədəniyyət və turizm naziri Əbülfəs Qarayev Azərbaycan Xalça Muzeyindəki qanun pozuntuları səbəbindən mədəni qurumun direktoruna şiddətli töhmət verib. Həmçinin muzeyin baş mühasibi vəzifəsindən uzaqlaşdırılıb. Məlumata əsasən, hazırda Azərbaycan Xalça Muzeyində yoxlamalar aparılır.
Axşam.az xəbər verir ki, Mədəniyyət və Turizm Nazirliyinin ictimaiyyətlə əlaqələr şöbəsinin müdiri Vüqar Şıxəmmədovun Modern.az saytına dediyinə görə, 2016-cı ilin əvvəllərindən etibarən nazirliyin bütün idarə və təşkilatlarında ciddi yoxlamalar aparılacaq.
Həmçinin muzeylərdə aparılan yoxlamalar zamanı qayda pozuntuları müəyyən edilən kimi dərhal mətbuatda işıqlandırılacaq.