Aktual mövzular: Dollar alış-satışı , Hava haqqında, Məzənnə, Neftin qiyməti

Zığda adam öldürənlərin məhkəməsi başladı - FOTO

Zığda adam öldürənlərin məhkəməsi başladı - FOTO

Date: 8 December 2015 21:47

Aralarında dava düşən qonşuların əvvəldən münaqişələri olub.

Bakı Ağır Cinayətlər Məhkəməsində Suraxanı rayon sakinləri Ehtiram Bağırovun, onun oğlu Hacıbağır Bağırovun (1996-cı il təv.) və Rüstəm Qurbanovun (1994-cü il təv.) CM-nin 120.1 (qəsdən adam öldürmə), 221.1 (xuliqanlıq) və 228.4-cü (qanunsuz olaraq soyuq silahı əldə etmə, satma və ya saxlama) maddələri ilə təqsirləndirilmələrinə dair cinayət işi üzrə hazırlıq iclası keçirilib.
Milli.Az oxu.az-a istinadən bildirir ki, bu il mayın 13-də Suraxanı rayonunun Zığ qəsəbəsində Hacıbağır Bağırov, atası Ehtiram Bağırov və qonşusu Rüstəm Qurbanov münaqişə zəminində qonşuları Ənnağı Baxışovu və qardaşı Zaur Baxışovu bıçaqlayıblar.

Ə.Baxışov 3 saylı kliniki xəstəxanaya aparılarkən yolda keçinib, digər zərərçəkənə isə müvafiq tibbi yardım göstərilib. Xəstəxanadan daxil olan məlumat əsasında istintaq-əməliyyat qrupu hadisə yerini müayinə edib, şübhəli şəxslər Suraxanı RPİ və 34-cü polis bölməsinin əməkdaşları tərəfindən saxlanılaraq istintaqa təqdim ediliblər. İstintaqın gedişatında məlum olub ki, aralarında dava düşən qonşuların əvvəldən münaqişələri olub.

Hazırlıq iclasında dövlət ittihamçısı işlə tanış olmadığını bildirib, bu səbəbdən o, məhkəmədən hazırlıq iclasının təxirə salınmasını xahiş edib. 

Proses dekabrın 10-a təxirə salınıb.
Milli.Az





Tags:  Zığda adam öldürənlərin məhkəməsi başladı FOTO


RƏYLƏR


Top news