Aktual mövzular: Dollar alış-satışı , Hava haqqında, Məzənnə, Neftin qiyməti

Robert Prosineçki: Artıq Azərbaycan millisinə qarşı oynamaq asan deyil

Date: 9 December 2015 00:08


Bakı, 9 dekabr, AZƏRTAC
Futbolçuların özlərinə inamını qaytara bildik. “Avro-2016”nin seçmə mərhələsinə çox pis başlamışdıq. Ardıcıl məğlubiyyətlərdən sonra futbolçuların psixoloji problemlərinin olması təbii haldır.
AZƏRTAC xəbər verir ki, bu sözləri futbol üzrə Azərbaycan millisinin baş məşqçisi Robert Prosineçki deyib.
Xorvatiyalı mütəxəssis bildirib ki, Malta yığması ilə oyundan əvvəl oyunçulara, mənə, eləcə də AFFA-ya çox təzyiqlər vardı. Həmin qələbədən sonra işləmək asan oldu. Ardınca Norveç və Xorvatiya yığmalarına qarşı inamlı mübarizə aparıb heç-heçəyə nail olduq. Bununla kifayətlənmək niyyətində deyilik. Daha səylə çalışmalıyıq. Dünya çempionatının seçmə mərhələsində güclü komandaların yer aldığı qrupa düşmüşük. Almaniya, Çexiya, Norveç, Şimali İrlandiya kimi güclü komandalara qarşı mübarizə aparacağıq. Qrupun favoriti hesab olunan Almaniya millisini çıxmaq şərti ilə istənilən komandaya qarşı oynaya bilərik. Bunu oyunçularımla yanaşı, rəqiblərimiz də yaxşı bilirlər. Artıq Azərbaycan millisinə qarşı oynamaq asan deyil.

Tags:  Robert Prosineçki Azərbaycan millisinə qarşı oynamaq asan deyil



RƏYLƏR


Top news