Bakı. 9 dekabr. REPORT.AZ/ Türkiyə prezidenti Rəcəb Tayyib Ərdoğan bir daha Suriyanın şimalında təhlükəsizlik zonasının yaradılmasının vacibliyindən danışıb.
Bu barədə "Report" "RİA Novosti"yə istinadən xəbər verir.
"Biz Suriyanın şimalında terrorçulardan azad təhlükəsizlik zonasının yaradılması istəyimizdən dönməyəcəyik və Suriya müxalifətinin təlim və təchizat proqramını davam etdirməkdə israrlıyıq", - dekabrın 8-də Ankarada kənd administrasiyaları rəhbərləri qarşısında çıxış edən Ərdoğan qeyd edib.
Türkiyə Suriyanın şimalında təhlükəsizlik zonasının yaradılması təklifi ilə bundan öncə də çıxış etmişdi. Lakin ABŞ və NATO bu təşəbbüsü dəstəkləmədilər.
