Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

​İraq Türkiyəyə qarşı sanksiyalar tətbiq etmək niyyətindədir

​İraq Türkiyəyə qarşı sanksiyalar tətbiq etmək niyyətindədir

Date: 9 December 2015 05:12

Bakı. 09 dekabr. REPORT.AZ/ Rəsmi Bağdad Ankara qoşunlarını İraq ərazisindən çıxarmayacağı təqdirdə Türkiyə hökumətini iqtisadi sanksiyalar və BMT Təhlükəsizlik Şurasına müracit edəcəyi ilə hədələyib.
"Report" xəbər verir ki, bu barədə İraq hökumətindəki mənbəyə istinadən "Sputnik" yazır.
"Ölkə hökuməti Türkiyənin bizim mehriban qonşuluq münasibətlərimizə hörmətsizlik edəcəyi və qoşunlarını İraq ərazisindən çıxarmaqdan imtina edəcəyi təqdirdə BMT Təhlükəsizlik Şurası, Ərəb Dövlətləri Liqasına müraciət edəcək, həmçinin iqtisadi məhdudiyyətlərə əl atacaq", — deyə mənbə bildirib.
Bundan əvvəl KİV 130 türk əsgərinin İraq kürdlərinə təlim keçmək üçün ölkənin şimalında yerləşən Mosul şəhəri ətrafına yollandığını yazıb. "Reuters" Türkiyənin təhlükəsizlik xidmətindəki mənbəsinə istinadən Ankaranın beynəlxalq anti-terror koalisiyasını bu barədə xəbərdar etdiyini yazıb.
İraq rəsmiləri Türkiyə batalyonunun ölkə ərazisində peyda olmasını müdaxilə adlandırıblar və heç bir hərbi əməliyyatların Bağdad ilə razılaşdırılmadığını qeyd ediblər.

Tags:  İraq Türkiyəyə qarşı sanksiyalar tətbiq etmək niyyətindədir

RƏYLƏR


Top news