Bakı. 09 dekabr. REPORT.AZ/ İspaniyanın "Real" klubunun hücumçusu Kriştiano Ronaldo Çempionlar Liqasının qrup mərhələsinin 6-cı turunda "Malmö"nün qapısına 4 dəfə yol taparaq turnirdə vurduğu qolların sayını 11-ə çatdırıb.
"Report" xəbər verir ki, bununla da o, turnirin qrup mərhələsində rekord müəyyən edib.
Əvvəlki rekord "Şaxtyor"un heyətində qrup mərhələsində 9 qol vuran braziliyalı forvard Luis Adrianoya məxsus idi.
Qeyd edək ki, "Real" - "Malmö" (İsveç) görüşü 8:0 hesabı ilə başa çatıb.