Bakı. 9 dekabr. REPORT.AZ/ ABŞ-ın dövlət katibi Con Kerri ilə Türkiyənin xarici işlər naziri Mövlud Çavuşoğlu arasında telefon danışığı olub.
"Report" Türkiyə KİV-inə istinadən xəbər verir ki, tərəflər İraqdakı vəziyyət başda olmaqla bölgədə cərəyan edən prosesləri müzakirə ediblər.
Qeyd edək ki, İraq hökuməti hazırda terrorçu İŞİD-in nəzarəti altında olan Mosul yaxınlığındakı Türkiyə hərbi bazasının çıxarılmasını tələb edir. Bundan başqa İraqın şimalındakı Muxtariyyətin başçısı Məsdu Barzani bu gün Türkiyəyə səfər edəcək.
