Aktual mövzular: Dollar alış-satışı , Hava, Məzənnə, Neftin qiyməti

Nizami Kino Mərkəzində “Hamlet” nümayiş etdirilib

Nizami Kino Mərkəzində “Hamlet” nümayiş etdirilib

Azərbaycanlı aktrisa məhrəm yerlərini nümayiş etdirdi - GÖZLƏNİLMƏZ FOTOLAR (02 Mart 2017 10:23)
“Xocalı. Matəm. Ekran” sənədli film günləri keçirilir (25 Fevral 2017 16:37)
“Axınla aşağı” bədii filminin kinoteatrlarda nümayişinə başlanılıb (23 Fevral 2017 17:27)

Tarix: 9 Dekabr 2015 14:24

Nizami Kino Mərkəzində Şekspirin Qlobus teatrının təqdimatında dünya şöhrətli Vilyam Şekspirin “Hamlet” tamaşası nümayiş etdirilib. Lent.az-ın məlumatına görə, səhnə əsəri rus dilində alt yazılarla təqdim edilib. Tamaşada əsas rolu Benedikt Kamberbeçin ifa edib.

 

“Hamlet” British Council Azərbaycan, Azərbaycan Respublikasının Mədəniyyət və Turizm Nazirliyi, Birləşmiş Krallığın Bakıdakı səfirliyi, Cool Connections şirkəti ilə birgə layihə çərçivəsində nümayiş etdirilib.

 

Təqdimatdan qabaq keçirilən mətbuat konfransında Nizami Kino Mərkəzinin direktoru Vüqar Zeynalov və British Council Azərbaycan-ın direktoru Elizabet Vayt layihənin məqsədi barədə açıqlama verib və jurnalistlərin suallarını cavablandırıblar.

 

Təqdimatdan əvvəl Kinomərkəzin direktoru Vüqar Zeynalov bu layihənin Azərbaycanda ilk dəfə həyata keçirildiyini qeyd edib və böyük marağa səbəb oldugunu nəzərə alaraq layihənin təqdim etdiyi digər dünya inciləri sırasında olan əsərlərin nümayiş olunacağını vurğulayıb.

 

Xatırladaq ki, British Council Azərbaycan, Azərbaycan Respublikasının Mədəniyyət və Turizm Nazirliyi, Birləşmiş Krallığın Bakıdakı səfirliyi, CoolConnections şirkəti və Nizami Kino Mərkəzi layihə çərivəsində şəhər sakinlərinə Britaniyanın Milli teatr, Şekspirin Qlobus teatrı, Royal Şekspir şirkəti, Royal Opera Haus Kovent Qarden və s. kimi dünya səviyyəli teatrlarının ən yeni və ən uğurlu tamaşalarını təqdim edəcək.

 

Layihənin misiyası tamaşaçıya ölkəsini tərk etmədən, dünya teatr və incəsənət şedevrlərini izləməyə imkan yaratmaqdır. Nümayiş oluncaq tamaşalar Londonda və ümumilikdə Britaniyada ən çox uğur qazanmış tamaşalardır. Yüksək keyfiyyətli çəkiliş, tamaşaçıda teatr zalında izləmə təəsüratı yaradacaq. TheatreHD layihəsinin təqdim etdiyi növbəti nümayiş Tom Hidlestonun iştirakı ilə V.Şekspirin “Koriolanus” pyesi olacaq. Tamaşanın nümayış tarixi dekabrın 15-nə planlaşdırılıb.

 





Teqlər:  Nizami Kino Mərkəzində Hamlet nümayiş etdirilib



RƏYLƏR


Top xəbərlər