Bakı, 9 dekabr, AZƏRTAC
Bakı Dövlət Universitetində (BDU) Azərbaycan Xalq Cümhuriyyətinin (AXC) ilk Baş naziri, görkəmli dövlət xadimi Fətəli xan Xoyskinin anadan olmasının 140 illiyinə həsr edilən tədbir keçirilib.
BDU-dan AZƏRTAC-a bildiriblər ki, tədbirdə Fətəli xan Xoyskinin AXC-nin formalaşmasındakı rolundan, dövlətin ictimai-siyasi həyatındakı fəaliyyətindən bəhs edilib. Bildirilib ki, o, Azərbaycanda Baş nazir idarə formasının əsasını qoyub və ölkəmizin ilk Baş naziri kimi tarixə düşüb.
