Aktual mövzular: Dollar alış-satışı , Hava, Məzənnə, Neftin qiyməti

Tələbə və məzunlar üçün aktiv məşğulluq tədbiri keçiriləcək

Tələbə və məzunlar üçün aktiv məşğulluq tədbiri keçiriləcək

Nazir: “Bu ilin ilk ayında məşğulluq orqanlarının xətti ilə 17 410 nəfər iş yerləri ilə təmin olunub” (27 Fevral 2017 10:32)

Tarix: 9 Dekabr 2015 16:33

Bakı. Trend:

Azərbaycan Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən növbəti aktiv məşğulluq tədbiri dekabrın 11-də Xəzər Universitetində təşkil olunacaq.

Nazirliyin İctimaiyyətlə əlaqələr şöbəsindən Trend-ə verilən məlumata görə, “Karyerada ilk addım” devizi altında keçiriləcək tədbirdə məqsəd tələbə və məzunların əmək bazarına inteqrasiyasının dəstəklənməsi, onların yiyələndikləri ixtisaslara əmək bazarında olan tələbat barədə məlumatlandırılması və işəgötürənlərlə ilkin əlaqələrinin qurulmasıdır. Aktiv məşğulluq tədbiri həmçinin işəgötürənlər üçün gələcəkdə ixtisaslı kadrların seçimini aparmaq imkanı yaradacaq. Tədbirdə dövlət və özəl sektora aid müəssisələrdə olan boş (vakant) iş yerlərinin də təklif olunması, əlavə təhsil kurslarına cəlb olunmaq, boş vaxtları ərzində Əmək birjaları vasitəsilə müvəqqəti işlərdə çalışmaq istəyənlərin qeydiyyatının aparılması da nəzərdə tutulur.

Dövlət Məşğulluq Xidməti cari ilin 11 ayında 9 ali təhsil müəssisəsində "Karyerada ilk addım" devizi altında aktiv məşğulluq tədbirləri keçirib. Bu tədbirlərdə 338 nəfərə boş (vakant) iş yerlərinə göndəriş verilib, 3014 nəfər tələbə və məzun tərəfindən işəgötürənlərə özləri barədə şəxsi məlumatlar (CV) təqdim olunub.

Bizi Twitter-dən izləyin: @trend_az


Teqlər:  Tələbə məzunlar aktiv məşğulluq tədbiri keçiriləcək



RƏYLƏR


Top xəbərlər