Aktual mövzular: Dollar alış-satışı , Hava haqqında, Məzənnə, Neftin qiyməti

“Günəşli” yatağında baş verən qəzada həlak olan neftçilərin xatirəsi Tbilisidə ehtiramla anılıb

“Günəşli” yatağında baş verən qəzada həlak olan neftçilərin xatirəsi Tbilisidə ehtiramla anılıb

Date: 9 December 2015 17:18


Tbilisi, 9 dekabr, AZƏRTAC
“Günəşli” yatağının 10 saylı stasionar dərin dəniz özülündə baş verən qəza nəticəsində həlak olanların xatirəsi Gürcüstanın paytaxtı Tbilisidə ehtiramla anılıb.
Gürcüstanın Azərbaycanlı Hüquqşünaslar Assosiasiyasının, Azərbaycanlıların Mədəniyyət Mərkəzinin (AMM), “Borçalı” İctimai Birliyinin, “Aktiv Qadınlar Assosiasiyası”nın üzvləri və Tbilisidəki universitetlərdə SOCAR-ın maliyyə vəsaiti hesabına təhsil alan bir qrup tələbə dekabrın 9-da anma mərasimi keçiriblər.
SOCAR-ın Gürcüstan nümayəndəliyinin ofisinin qarşısında əllərində “Başın sağ olsun, Azərbaycan!”, “Biz həmişə səninləyik!” plakatları tutan iştirakçılar faciə nəticəsində həlak olanların xatirəsini bir dəqiqlik sükutla yad ediblər. Tədbir iştirakçıları binanın önünə qərənfillər düzüb, həlak olan neftçilərimizə Allahdan rəhmət, yaxınlarına səbir diləyiblər.
Qeyd edək ki, dekabrın 4-ü, 5-i və 6-da SOCAR-ın Gürcüstan ərazisində fəaliyyət göstərən bütün yanacaqdoldurma məntəqələrində Azərbaycan bayrağı aşağı endirilib.

Xətayi Əzizov
AZƏRTAC-ın xüsusi müxbiri
Tbilisi






Tags:  Günəşli yatağında baş verən qəzada həlak olan neftçilərin xatirəsi Tbilisidə ehtiramla anılıb


RƏYLƏR


Top news