Bakı, 9 dekabr, AZƏRTAC
Dekabrın 9-da Meksikanın ölkəmizdəki səfiri Rodriqo Labardini Azərbaycanın maliyyə naziri Samir Şərifov ilə görüşüb.
Səfirlikdən AZƏRTAC-a bildiriblər ki, görüşdə ikitərəfli əməkdaşlığın inkişafı məsələləri nəzərdən keçirilib. Həmçinin hər iki ölkə iqtisadiyyatının hazırkı durumu və perspektivləri barədə müzakirələr aparılıb.
R.Labardini səfirliyin iki ölkə arasında əlaqələrin gücləndirilməsi istiqamətində gördüyü işlərdən danışıb.
Nazir S.Şərifov rəhbərlik etdiyi qurumun fəaliyyəti və milli iqtisadiyyatın əsas aspektlərindən söhbət açıb.
Görüşdə qarşılıqlı maraq kəsb edən məsələlər ətrafında fikir mübadiləsi aparılıb.