Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

ADNSU-da tələbələrin elmi-texniki konfransı keçirilir

ADNSU-da tələbələrin elmi-texniki konfransı keçirilir

Date: 9 December 2015 20:48


Bakı, 9 dekabr, AZƏRTAC
Azərbaycan Dövlət Neft və Sənaye Universitetində (ADNSU) tələbələrin 64-cü elmi-texniki konfransı keçirilir.
ADNSU-dan AZƏRTAC-a bildiriblər ki, bu ali məktəbin 95 illiyinə həsr olunan konfransın açılış mərasimində universitetin rektoru, professor Mustafa Babanlı müasir dünyada elmin, təhsilin mühüm rolundan danışıb, bu sahənin inkişafı ilə bağlı fikirlərini bildirib, tələbələrə tövsiyələrini verib.
Digər çıxış edənlər də ADNSU-nun elm və təhsilimizə verdiyi töhfələrdən söz açıblar.
Bildirilib ki, konfransın “Geoloji kəşfiyyat”, “Kimya və kimya texnologiyası”, “Avtomatika və informatika”, “İqtisadiyyat və idarəetmə”, “Energetika” və digər bölmələrində tələbələrin ümumilikdə 328 məruzəsi dinləniləcək.
Fərqlənən tələbələr mükafatlandırılacaqlar.
Konfrans dekabrın 11-də başa çatacaq.

Tags:  ADNSU-da tələbələrin elmi-texniki konfransı keçirilir


RƏYLƏR


Top news