ABŞ-ın Flint şəhərində (Miçiqan ştatı) yaşayış binasında partlayıcı qurğu aşkarlanıb.
APA-nın TASS agentliyinə istinadən verdiyi məlumata görə, bu barədə NBC telekanalı xəbər verib.
Məlumata görə, partlayıcı qurğu hadisə yerinə cəlb edilən istehkamçılar tərəfindən zərərsizləşdirilib. Faktla bağlı araşdırmalara başlanılıb.
İnsidentin terror aktı olma ehtimalı hüquq-mühafizə orqanları tərəfindən araşdırılır.
