Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Forbes" jurnalı müflis olan azərbaycanlıdan yazdı

"Forbes" jurnalı müflis olan azərbaycanlıdan yazdı

Date: 10 December 2015 11:26

"Forbes" jurnalı Telman İsmayılovun "Praqa" restoranını satdığı haqqında məlumat əldə edib.

ANSPRESS-in məlumatına görə, Andrey Kostinin VTB qrupu Telman İsmayılovun mülkiyyətini və aktivlərini alıb və satış üçün hərraca çıxarıb. Bu haqda "Forbes"ə əmlak bazarından üç mənbə deyib.

Məlumata görə, söhbət "Praqa" restoranı və "Tropikano" biznes mərkəzindən gedir. Bu əmlaklar, həmçinin, Şərqi İzmaylovo bina kompleksi, VTB qrupuna daxil olan Moskva Bankında kreditə görə girov qoyulub.

VTB Forbes-də İsmayılovun aktivlərinin satışını şərh etməkdən imtina edib. Hətta, jurnalın nəşriyyat idarəsindən onlarla əlaqə saxlasalar da, bu danışıq baş tutmayıb.

Telman İsmayılov öz şirkətlərini kredit götürərkən, Moskva Bankına zamin kimi qoyub. Lakin sonradan milyader bankın pulunu ödəyə bilmədiyi üçün, məhkəmədə ona qarşı iddia qaldırılıb. Telman ötən il şirkətlərini oğulları Ələkbər və Sərxana, eləcə də, bacısı oğlu Zaur Mərdanova verib.


Telman İsmayılov və oğlanları


Lakin onun bu planı baş tutmadı, bank borcunun müqabilində ondan əmlakının bir hissəsini götürüb və satışa qoyub.

Bu ilin oktyabr ayında arbitaj məhkəməsi T. İsmayılovu müflis elan edib. Ötən gün isə milyader özü müflisliyi haqqında bəyanatla məhkəməyə müraciət edib.



"AST" şirkətlər qrupunun rəhbəri, eyni zamanda adı Rusiyanın ən zəngin biznesmenlərinin siyahısına daxil olan sahibkar İsmayılov ilk dəfə 2009-cu ildə kiçik topdan satış ticarət mərkəzinin paytaxtı olan Çerkizovski bazarındakı fəaliyyətinə görə, gündəmə gəlmişdi. Bazarda bir müddət hüquq-mühafizə orqanları tərəfindən yoxlamalar aparılıb. Bu hadisədən sonra bazar çoxsaylı pozuntuların aşkar olunduğuna görə bağlanıb.

T.İsmayılovun başqa Rusiya banklara, o cümlədən, Türkiyə banklarına, şirkətlərə, fərdi şəxslərə yüz milyonlarla dollar borcu olduğu da deyilir.


Telman İsmayılov - azərbaycanlı milyader


İsmayılov Telman Mərdan oğlu 1956-cı ildə Bakıda anadan olub. Həyatının çox hissəsini Rusiyada keçirən Telman İsmayılov hazırda da Rusiyada yaşayır və "AST" Şirkətlər Qrupunun sahibi, Rusiya milyarderidir. O, Türkiyənin Antalya şəhərində beş ulduzlu "Mardan Palace" adlı otel inşa etdirib, İsrailin Akko şəhərində atasının adına sinaqoq tikdirib.





Tags:  Forbes jurnalı müflis olan azərbaycanlıdan yazdı



RƏYLƏR


Top news