Aktual mövzular: Dollar alış-satışı , Hava haqqında, Məzənnə, Neftin qiyməti

9 milyard dollar Azərbaycandan qeyri-qanuni yolla çıxarıldı

9 milyard dollar Azərbaycandan qeyri-qanuni yolla çıxarıldı

Date: 10 December 2015 12:16

ABŞ-ın “Global Financial Integrity” Tədqiqat Təşkilatı xaricə qeyri – qanuni kapital axını həyata keçirilən ölkələrin siyahısını açıqlayıb.

ANS PRESS-in məlumatına görə, bu siyahıda Azərbaycan 17 –ci sırada dayanır.

Tədqiqat 2004-2013-cü illər arasında aparılıb. Bu illər ərzində hər il Azərbaycandan 9 milyard dollar dəyərində qeyri –leqal yollarla pul çıxarılıb. Siyahıda 148 ölkənin adı var.

İlk sıralarda isə Çin 139,228 milyard dollarla Rusiya isə 104,977 milyard dollarla başçılıq edir.

2004-2013-ci illər arasında aparılan tədqiqatlar nəticəsində məlum olub ki, ölkələr bu illər ərzində 7.8 trilyon dollar pul itirib. Təkcə 2013-cü ildə inkişaf etmiş və inkişafda olan ölkələrdən 1,1 trilyon dollar qanunsuz yollarla pul çıxarılıb. Qanunsuz sərmayə çıxışları vergidən yayınma, cinayət, korrupsiya və digər qanunsuz fəaliyyət növləri ilə bağlıdır.


Dövlətlərin qanunsuz pul çıxarılmasının illər üzə artım səviyyəsi

Rəqəmlərdən aydın olur ki, Azərbaycan da daxil olmaqla dünyanın əksər dövlətləri qanunsuz fəaliyyətlərin qarşısını ala bilmir.

Qanunsuz çıxarılan pullar ölkələrin iqtisadiyyatına və Ümum Daxili Məhsulun (ÜDM) həcminə kəskin təsir edir. Qanunsuz maliyyə axını ən çox İnkişaf Etməkdə Olan Ölkələrdə (İEOÖ) həyata keçirilir.



Ölkələrin reytinq cədvəli

Tags:  milyard dollar Azərbaycandan qeyri-qanuni yolla çıxarıldı


RƏYLƏR


Top news