Aktual mövzular: Dollar alış-satışı , Hava haqqında, Məzənnə, Neftin qiyməti

Beynəlxalq reytinq siyahısında Azərbaycanın doqquz qadın güləşçisi yer alıb

Beynəlxalq reytinq siyahısında Azərbaycanın doqquz qadın güləşçisi yer alıb

Date: 10 December 2015 13:13


Bakı, 10 dekabr, AZƏRTAC 
Dünya Güləş Birliyi 2015-ci ilin noyabrında keçirilən yarışların nəticəsinə əsasən, qadın güləşi üzrə yeni beynəlxalq reytinq siyahısını açıqlayıb.
Azərbaycan Güləş Federasiyasından AZƏRTAC-a bildiriblər ki, qadın güləşçilərin reytinq sıralamasında 9 təmsilçimizin adı var.
Bakıda keçirilmiş ümummilli lider Heydər Əliyevin xatirəsinə həsr olunmuş “Qızıl Qran-pri” beynəlxalq turnirinin final mərhələsində gümüş medal qazanan Nataliya Sinişin (55 kq) 4 pillə irəliləyərək reytinqdə 7-ci sırada qərarlaşıb. Turnirdə 60 kiloqram çəki dərəcəsində mübarizə aparan İrina Netreba bir pillə irəliləyərək 4-cü sıraya yüksəlib. Son dünya çempionatının gümüş medalçısı Mariya Stadnik (48 kq) reytinq siyahısında ikinciliyini qoruyub. İki güləşçimiz - Anjela Doroqan (53 kq, 6-cı yer) və Nadya Muşka (63 kq, 14-cü yer) mövqeyi dəyişməz qalıb. Dünya çempionatının bürünc medalçısı Yuliya Ratkeviç (58 kq) 2 pillə geriləyərək 6-cı yerdə qərarlaşıb.

Tags:  Beynəlxalq reytinq siyahısında Azərbaycanın doqquz qadın güləşçisi yer alıb


RƏYLƏR


Top news