Bakı, 10 dekabr, AZƏRTAC
Xəzər dənizindəki “Günəşli” yatağının 10-cu özülündə baş vermiş yanğında həlak olan neftçilərin xatirəsi Almaniyada yaşayan soydaşlarımız tərəfindən anılıb.
Diasporla İş üzrə Dövlət Komitəsindən AZƏRTAC-a bildiriblər ki, Almaniyanın paytaxtı Berlində fəaliyyət göstərən Azərbaycan Evinin və digər diaspor təşkilatlarının təşəbbüsü ilə soydaşlarımız ölkəmizin Almaniyadakı səfirliyi qarşısına toplaşıblar. Onlar səfirliyin binası qarşısına güllər düzüb, faciədə həlak olan neftçilərin xatirəsinə şam yandırıblar.
Soydaşlarımız faciə qurbanlarının ailələrinə başsağlığı verib, yaralılara tezliklə sağalmalarını arzu ediblər.
