Şamaxı, 10 dekabr, AZƏRTAC
Şamaxıda meyvə yığımı başa çatıb. Bağlardan 1045,7 ton məhsul, o cümlədən bölgə üçün daha xarakterik olan alma, armud, xurma, zoğal, əzgil, qoz, fındıq və sair götürülüb. Məhsul istehsalı da ötən ildəkinə nisbətən 0,3 faiz artıb.
Bu barədə rayon statistika idarəsindən AZƏRTAC-a verilən məlumatda bildirilir ki, Şamaxının meyvəçiliklə daha çox məşğul olunan şimal ərazilərindəki bağlardan yüksək məhsul götürülüb. Xüsusilə Qaleybuğurd, Dədəgünəş, Avaxıl, Çuxuryurd, Qızmeydan və bir sıra digər ərazi vahidlərində bol meyvə istehsal edilib.