Bakı, 10 dekabr, Elvin Camalov, AZƏRTAC
AZAL “donuz qripi”nin Azərbaycana hava nəqliyyatı ilə keçməsinin qarsısını almaq üçün tədbirlər görür.
AZƏRTAC xəbər verir ki, bu barədə “Azərbaycan Hava Yolları” QSC-nin mətbuat xidmətinin rəhbəri Paşa Kəsəmənski deyib.
Onun sözlərinə görə İranda meydana çıxan “donuz qripi” epidemiyasının hava nəqliyyatı ilə Azərbaycana gətirilməsinin qarşısını almaq məqsədilə “Azərbaycan Hava Yolları” QCS-də (AZAL) çalışan və Bakı–Tehran–Bakı istiqamətində uçuşları həyata keçirən bütün təyyarə bələdçiləri üçün “donuz qripinin ilkin simptomları” başlığı altında maarifləndirici bülleten hazırlanıb.
Qeyd edək ki, son 3 həftədə İranda "donuz qripi"ndən 40 nəfər ölüb.