"Ginnessin Rekordlar Kitabı"nın rekordçusu oğurluqda şübhəli bilinərək tutulub

"Ginnessin Rekordlar Kitabı"nın rekordçusu oğurluqda şübhəli bilinərək tutulub
15:47 10 Dekabr 2015
Ölkə mətbuatı
A- A+

Bakı. 10 dekabr. REPORT.AZ/ Cüdo üzrə idman ustası, burunla qrelka şişirtmək üzrə "Ginnessin Rekordlar Kitabı"nın rekordçusu olan Cemal Tkeşelaşvili Moskvada oğurluqda şübhəli bilinərək tutulub. "Report" TASS-a istinadən xəbər verir ki, bu barədə Rusiya paytaxtının hüquq-mühafizə orqanları məlumat verib.
Məlumata görə, dünən Moskvanın Şimal-Qərb dairəsinin 28 yaşlı sakini polisə müraciət edərək soyğuna məruz qaldığını və mənzilindən ümumi dəyəri 1 milyon rubldan çox olan bahalı qol saatlarının və pul vəsaitinin oğurlandığını xəbər verib. Polis aparılan araşdırmalardan sonra hadisənin gündüz, müraciət edənin işdə olduğu zaman reallaşdığını müəyyənləşdirib. Cinayətkarlar mənzilin sahibindən açarları müəyyən yolla oğurlayaraq evə girib.
Paytaxt polisinin cinayət-axtarış şöbəsinin əməkdaşları 3 nəfəri həbs edib ki, onlar arasında C.Tkeşelaşvili də var. Özü də idmançı saxlanılan zaman polisə saxta pasport təqdim edib.
Oğurluq faktı üzrə cinayət işi açılıb, həbs olunanlar barəsində hələlik nəzarət altında saxlama qərarı çıxarılıb.

Xəbərin orijinal ünvanı: http://report.az/maraqli/ginnessin-rekordlar-kitabinin-rekordcusu-ogurluqda-subheli-bilinerek-tutulub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR